Тошкент тиббиёт академиясида талабалар илмий жамияти анжуманининг 2-босқич ғолибалари аниқланди

Жорий йил 22 апрел куни Тошкент тиббиёт академиясида «Ёш олимлар кунлари» Талабалар илмий жамияти анжуманининг иккинчи босқичи бўлиб ўтди.

 

Талабалар илмий анжумани Zoom дастури орқали бўлиб ўтди.

 

Анжуманда тиббий-биологик, ижтимоий – гуманитар, тиббий профилактика, терапия, хирургия каби 7 та тармоқда 48 мавзуда 53 нафар иқтидорли талабалар ўз илмий мавзуларини тақдим этдилар ва 7 та тармоқда 1-ўринга муносиб топилган талабалар 3-босқич, яъни “Йилнинг энг яхши талабаси” номинацияси учун танловда иштирок этишлари учун йўлланмани қўлга киритдилар.

 

Маълумот учун:

Тошкент тиббиёт академиясида ҳар йили анъанавий тарзда ўтказилиб келинадиган ушбу талабалар анжумани 3 босқичда бўлиб ўтади:

1-босқич: ҳар бир кафедрада ўзларининг иқтидорли талабалари ўртасида ўтказишади ва 1-ўринни қўлга киритган талаба 2-босқичга йўлланмани қўлга киритади.

2-босқич: кафедралараро, яъни йўналишлар бўйича илмий ишлар тармоқларда кўриб чиқилади ва 1-ўринни қўлга киритган талаба 3-босқичга йўлланмани қўлга киритади.

3-босқич финал босқичи. Бу босқичда 7 нафар иқтидорли талабалар ўз илмий ишларини намойиш этиб, “Йилнинг энг яхши талабаси” бўлиши учун беллашадилар.

Fikr bildirish

Email manzilingiz chop etilmaydi. Majburiy bandlar * bilan belgilangan