Академия ректори Алишер Шадманов раислигида ўтаётган илмий кенгашда кун тартибидан ўрин олган 5 та муҳим масала шунингдек, академия илмий-педогогик фаолиятига доир бошқа қатор масалалар атрофлича муҳокама этилади.
Яхшиликка хизмат қилаётган илм соҳиби
Кенгаш иши қувончли ҳушхабар билан бошланганини маълум қиламиз.
Тошкент тиббиёт академиясида узоқ йиллардан буён самарали меҳнат қилиб, чуқур илмий тафаккури, шифокорлик маҳорати, устозларга ҳос жонкуярлиги билан катта илмий жамоада кичик тиббий ходимларлардан тортиб, магистр ва талабалар орасида алоҳида ҳурмат ва обрўга эга бўлган умимий амалиёт шифокори, жаррохлик касалликлари доценти, тиббиёт фанлари доктори
Усмонов Махмуджон Мансурович бугун муборак 60 ёшни қаршилади.
Академия ректори, профессор А.Шадманов Тошкент тиббиёт Акаемиясининг аҳил
жамоаси номидан Махмуджон Усмоновни табаррук ёши билан қизғин муборак этар экан, унинг узоқ йиллар давомида олиб борган илмий изланишлари, жарроҳлик фаолияти мобайнида эришган ютуқлари, академия ёшларига ўрнак қилиб кўрсатишга арзигулик илғор ташаббуслари ҳақида гапирди.
70 дан ортиқ илмий мақолалар муаллифи, 3 та муаллифлик ва 3 та рацонализаторлик таклифлари билан тиббиёт илми ривожига муносиб ҳисса қўшиб келаётган олимнинг Нью-Йорк, Москва, Тошкент, Карши ва Нукус шахарларида ўтган илмий анжуманлардаги фаол иштироки ва сермазмун маърузалари алоҳида эътироф этилди. Устоз ва шогирдлари таъбири билан айтганда “зўр амалиёт эгаси” салкам чорак асрлик жарроҳ, шошилинч ва режали жаррохлик бўйича мустақил операциялар устаси, ошқозон ичак тизими, уларнинг асоратлари ва хазм қилиш жараёни механизмларининг энтерал синдромига асосланган илм билимдони,
Усмонов Махмуджон Мансуровични биз ҳам бугунги қувончли кун ва табаррук 60 ёшлари билан самимий муборакбод этамиз.
Йиллар давомида мисқоллаб йиғилган илм хазинаси шогирдлари тимсолида асрлар оша яхшиликка хизмат қилишига тилакдошмиз.
ТОШКЕНТ ТИББИЁТ АКАДЕМИЯСИ МАТБУОТ ХИЗМАТИ
