Фундаментал ва амалий дастурлар хамда инновацион лойиҳалар борасида хамкорлик алоқалари…

«Мадин» компаниялар гуруҳи ва Тошкент тиббиёт академияси ўртасида ҳамкорлик алоқалари йўлга қўйилмоқда

Бугун Тошкент тиббиёт академияси ректори профессор А.Шадманов  ва Россиянинг «Мадин» компаниялар гуруҳининг Тиббий-ижтимоий хизматлар агентлиги (Россия) раҳбарияти ўртасида  онлайн конференция бўлиб ўтди.

«Мадин» компаниялар гуруҳи, физиотерапия ва реабилитация тиббиёт ускуналарини ишлаб чиқаришга ихтисослашган  «Технологиес» ва «Орбита» МЧЖ, «ИФИОВA»каби  МЧЖ лардан ташкил топган йирик компаниялардан бири.  Шунингдек, мазкур ташкилот танани тиклаш усуллари бўйича илмий тадқиқотлар билан ҳам шуғулланади.

“Мадин” компаниялари гуруҳи Россияда  узлуксиз равишда бир қатор ўқув ва илмий муассасалар, шу жумладан аспирантурадан кейинги тиббиёт академиясининг физиотерапия кафедраси ва унинг филиаллари, Н.A.Лопаткин номидаги Урология ва интервенцион радиология институти, В.И.Кулаков номидаги миллий акушерлик, гинекология ва перинатология илмий-тадқиқот маркази каби тиббиёт муассасалари фаолиятини мувофиқлаштиришда фаол иштирок этади.

Бўлиб ўтган музокараларда икки томонлама фундаментал ва амалий дастурлар хамда инновацион лойиҳалар борасида хамкорлик алоқаларини йўлга қўйиш борасида келишиб олинди.

Шунингдек, юқори малакали илмий кадрларни тайёрлаш,  илмий мақола ва адабиётлар нашр этиш,   илмий-амалий конференциялар ташкил этиш ва ўтказиш юзасидан шериклик алоқаларини янги сифат босқичига олиб чиқиши ва ривожлантиришга умид  билдирилди.

Тошкент тиббиёт академияси матбуот хизмати

 

Fikr bildirish

Email manzilingiz chop etilmaydi. Majburiy bandlar * bilan belgilangan