Toshkent tibbiyot akademiyasida birinchi kursga qabul qilingan 1700 dan ortiq talabalarga birinchi o’qish kuni boshlandi.
Bugun Toshkent tibbiyot akademiyasining rahbariyati tomonidan yangi 2024/2025 oʻquv yili boshlanishi hamda birinchi kursga qabul qilingan yoshlarning o’qish kuni boshlanishi munosabati bilan ma’naviy- ma’rifiy bayram tadbiri tashkil etildi.
Tadbirda Toshkent tibbiyot akademiyasi rektori v.v.b Shuhrat Boymuradov, mas’ullar, talabalik baxtiga muyassar boʻlgan talabalar va ularning ota-onalari, ustozlari ishtirok etishdi.
Tadbir avvalida O’zbekiston Respublikasi Davlat madhiyasi ijro etildi. Shundan so’ng Toshkent tibbiyot akademiyasi rektori v.v.b Shuhrat Boymuradov talabalikka qabul qilingan yoshlarni, ularning ota- onalarini hamda professor o’qituvchilarni yangi o’quv yili boshlanishi munosabati bilan muborakbod etdi.
Ma’naviy- ma’rifiy tadbir davomida Akademiyada tahsil oluvchi ijodkor yoshlar tomonidan kuy-qo’shiqlar ijro etilib, tadbirga o’zgacha shukuh ulashildi.
