Toshkent tibbiyot akademiyasida oʻtkazilgan tadbirda Toshkent shahrida joylashgan oliy taʼlim muassasalarining Yoshlar masalalari va maʼnaviy-maʼrifiy ishlar boʻyicha birinchi prorektorlari ishtirok etdi.
Oliy taʼlim, fan va innovatsiyalar vazirining AKT boʻyicha maslahatchisi Bobur Rahimov seminarda soʻzga chiqib, quyidagilarni taʼkidladi:
“Kibersport bugungi kunda yoshlarning qiziqishlari va salohiyatini rivojlantirishda muhim vositaga aylanmoqda. U shaxsiy va jamoaviy rivojlanish uchun yangi imkoniyatlar taqdim etuvchi zamonaviy platformadir. Shu sababli, kibersportni oliy taʼlim tizimida ommalashtirish va bu orqali yoshlarimizning intellektual va texnologik rivojlanishiga hissa qoʻshish muhim sanaladi”.
Maʼlumki keyingi yillarda “Kelajak oʻyinlari” “ Игры будущего” doirasida yangi formatidagi sport shousi – raqamli oʻlchovlardagi musobaqalarni oʻtkazilmoqda. Mamlakatimizda kibersport oʻyinlari yoʻlga qoʻyildi, kibersport muxlislari oʻz mahoratlarini namoyish etish imkoniyati paydo boʻldi. Oliy taʼlim muassasalarida ham kibersportni rivojlantirish, oliygohlar oʻrtasida chempionat tashkil etish va musoboqalarni yoʻlga qoʻyish qoʻyish maqsadida Oliy taʼlim, fan va innovatsiyalar vazirligi hamda Toshkent tibbiyot akademiyasi tomonidan davlat va nodavlat oliy taʼlim muassasalarining yoshlar masalalari va maʼnaviy – maʼrifiy ishlar boʻyicha birinchi prorektorlarga kibersportni tashkil etish boʻyicha maxsus seminar oʻtkazildi. Shu bilan birga Toshkent tibbiyot akademiyasining kibersport boʻyicha 2 – chempionatiga start berildi, 4 kun davomida davom etgan kibersportning 3 ta yoʻnalishidagi musobaqalarlarda 170 ta jamoada 1000 ga yaqin talaba yoshlar ishtirok etdi. Musobaqa yakuniga koʻra tibbiy profilaktika fakultetining Cheaterʻs va 1 son davolash fakultetining Deathly team jamoalari gʻolib boʻlishdi.
Batafsil: https://gov.uz/oz/edu/news/view/28856
