Bugun Toshkent tibbiyot akademiyasi Akademik litseyida “Rektor va Yoshlar” uchrashuvi tashkil etildi. Tadbirda Toshkent tibbiyot akademiyasi rektori v.v.b. Sh.Boymuradov hamda O‘zbekiston Respublikasi Qurolli Kuchlari Harbiy tibbiyot akademiyasi rektori B.Abdulahatov ishtirok etdi.
Uchrashuv davomida yoshlarning tibbiy ta’limga oid fikr va takliflari tinglandi, ularning qiziqtirgan savollariga javob berildi. Shuningdek, tibbiyot sohasida ilmiy izlanishlar olib borish, harbiy tibbiyot yo‘nalishida ta’lim olish imkoniyatlari va yoshlarning kasbiy rivojlanishiga doir masalalar muhokama qilindi.
Mazkur uchrashuv talabalar va akademik litsey o‘quvchilari uchun muhim motivatsiya bo‘lib, ularning kelajakdagi faoliyati uchun foydali yo‘nalishlarni belgilashga yordam berdi.
