Talabalar uchun yaratilgan sharoitlar o‘rganildi

Mamlakatimiz bo‘ylab oliy ta’lim muassasalari rektorlari tomonidan har oyda talabalar turar joylari va ijara xonadonlardagi yashash sharoitlarini o‘rganish belgilangan rejaga muvofiq ravishda amalga oshirilmoqda. Mazkur tartib asosida bugun Toshkent tibbiyot akademiyasi rektori v.v.b. Sh.Boymuradov hamda mas’ul xodimlari tomonidan TTAga qarashli talabalar turar joylari hamda ijara xonadonlarda istiqomat qilayotgan talabalar holati va yashash sharoitlari o‘rganildi. Tashrif davomida talabalar bilan ochiq muloqot o‘tkazilib, ularning yashash, o‘qish va bo‘sh vaqtlarini samarali tashkil etish bilan bog‘liq fikr va takliflari tinglandi. Bunday tashriflar talabalarning ijtimoiy sharoitlarini yaxshilash, ularning muammolarini o‘z vaqtida aniqlab, tezkor choralar ko‘rish hamda ta’lim jarayonining samaradorligini oshirishga xizmat qiladi.