Toshkent davlat tibbiyot universiteti delegatsiyasi Geydelberg universitetining stomatologiya fakulteti dekani, professor Simona Shik bilan hamkorlik yuzasidan muzokaralar o‘tkazdi hamda ta’lim muassasi qoshidagi shifoxonasiga tashrif buyurdi va faoliyatini o‘rgandi .
Muzokaralar davomida hamkorlik ishlarini jadallashtirish maqsadida stomatologiyaning barcha yo‘nalishlarida qisqa va uzoq muddatli stajirovkalar, shifokorlar uchun malaka oshirish kurslari, akademik mobillik dasturlari, qo‘shma ta’lim yo‘nalishlarini yo‘lga qo‘yish masalalari muhokama qilinib kelishuvlarga erishildi.
Ma’lumot uchun: Geydelberg universiteti 1386 yilda tashkil etilgan bo‘lib, QS reytingida 80 o‘rinni egallagan. Universitet 14 ta fakultet v 15 ta ilmiy tadqiqot markazlariga ega.
