Toshkent davlat tibbiyot universiteti yuqori malakali va tajribali mahalliy professor-o‘qituvchilar Universitet jamoasiga jalb etish maqsadida tanlov asosida ishga qabul qilinishini bildiradi.
Biz quyidagilarni amalga oshirish orqali Universitet faoliyatini rivojlantirishni o‘z oldimizga maqsad qilganmiz:
tibbiy-kasbiy ta’lim tizimida yuqori malakali tibbiyot kadrlarini tayyorlash, qayta tayyorlash va ularning malakasini oshirish;
ta’lim dasturlarini xalqaro tibbiy ta’lim standartlariga muvofiqlashtirib, kompetensiyalarga asoslangan tibbiy ta’lim dasturlarini joriy etish;
o‘quv jarayonini amaliy ko‘nikmalarni shakllantirishga yo‘naltirish, xalqaro ta’lim standartlariga asoslangan ilg‘or pedagogik texnologiyalar, o‘quv dasturlari va innovatsion o‘quv-metodik materiallarni keng joriy etish, klinikalar va o‘quv bazalari faoliyatida nazariy bilim hamda amaliyotning uyg‘unligini ta’minlash uchun zarur sharoitlar yaratish;
fundamental, amaliy va innovatsion ilmiy tadqiqot ishlarini tibbiyot amaliyotidagi mavjud muammolarning yechimiga qaratish, tibbiy ta’lim, fan, innovatsiya va ilmiy tadqiqotlar natijalarining uzviy bog‘liqligini ta’minlash;
ilmiy salohiyatni muntazam ravishda oshirib borish va boshqalar.
Kimlar murojaat qilishi mumkin?
Universitetga quyidagi talablarga mos keladigan tibbiyot va sog‘liqni saqlash sohalarida malakali mahalliy professor-o‘qituvchilar hujjat topshirishlari mumkin:
magistratura, PhD yoki unga teng daraja;
Universitet yoki tibbiyot muassasalarida pedagogik va/yoki klinik tajriba;
o‘zbek, ingliz va rus tillarida muloqot qila olish ko‘nikmalari.
Talab etiladigan hujjatlar:
ish tajribasi haqida ma’lumotnoma (Curriculum Vitae)
pasport nusxasi
diplomlar va baholar varaqalari (bakalavr, magistratura, PhD)
sertifikatlar (agar mavjud bo‘lsa)
maqolalar va akademik yutuqlar ro‘yxati (agar mavjud bo‘lsa)
Zarur hujjatlarni info@tma.uz elektron pochtasiga PDF formatida yuborishingiz mumkin.
Hujjatlar 2025-yil 15-avgustgacha qabul qilinadi.
Saralangan nomzodlar keyingi bosqich uchun ishchi komissiyaga taklif etiladi.
Qo‘shimcha savollar uchun yuqorida ko‘rsatilgan elektron pochta orqali yoki Xodimlar bo‘limiga kelib uchrashsangiz bo‘ladi.
