Ayni damda Toshkent davlat tibbiyot universitetida Eron Islom Respublikasining O‘zbekiston Respublikasidagi Favqulodda va muxtor elchisi janob Muhammadali Iskandariyning tashrifi bo‘lib o‘tmoqda.
Mehmonni universitet rektori, professor Shuxrat Boymuradov samimiy kutib oldi.
Uchrashuv davomida tomonlar ikki tomonlama hamkorlikni mustahkamlash, xususan, tibbiy ta’lim yo‘nalishida qo‘shma dasturlar va ilmiy loyihalarni yo‘lga qo‘yish, professor-o‘qituvchilar hamda talabalarning o‘zaro tajriba almashuvini yo‘lga qo‘yish masalalarini atroflicha muhokama qildilar.
