“Dolzarb 90 kun” loyihasi doirasida Toshkent davlat tibbiyot universiteti talabalari o‘rtasida kibersport (cybersport) bo‘yicha qiziqarli va shiddatli turnir o‘tkazilmoqda.
Mazkur musobaqa talabalarning bo‘sh vaqtini mazmunli o‘tkazish, ularning intellektual salohiyati va jamoada ishlash ko‘nikmalarini rivojlantirishga qaratilgan. Turnir finalida ishtirokchilar turli kibersport turlari bo‘yicha o‘zaro bellashib, g‘oliblar esa esdalik sovg‘alari va faxriy diplomlar bilan taqdirlanadi.
Tadbir nafaqat sport ruhini, balki sog‘lom raqobat muhitini ham shakllantirib, talabalarda muloqot, strategik fikrlash va tezkor qaror qabul qilish qobiliyatlarini kuchaytiradi.
