Toshkent davlat tibbiyot universiteti (Toshkent tibbiyot akademiyasi) xalqaro miqyosda yana bir muvaffaqiyatga erishdi. Universitetning innovatsion faoliyat, tibbiyot va texnologiyalar integratsiyasi yo‘nalishida olib borilayotgan tizimli ishlari xalqaro maydonda e’tirof etildi.
Universitet nufuzli The World University Rankings for Innovation (WURI) xalqaro reytingida “Industrial Applications” – “Sanoatga amaliy ta’sir” hamda “Technology Development and Application” – “Texnologiyalarni ishlab chiqish va qo‘llash” yo‘nalishlari bo‘yicha dunyoning eng nufuzli TOP-100 ta oliygohlari qatoridan joy oldi.
