22–23-avgust kunlari mamlakatimiz bo‘ylab O‘zbekiston Respublikasi Mustaqilligining 34 yilligi munosabati bilan umumxalq xayriya hashari o‘tkazilmoqda.
Toshkent davlat tibbiyot universiteti jamoasi ham ushbu xayrli tadbirlarda faol ishtirok etib, universitet hududida keng ko‘lamli obodonlashtirish va tozalash ishlari amalga oshirilmoqda. Daraxtlar oqlanib, yo‘laklar tozalandi, talaba-yoshlar esa bir tan, bir jon bo‘lib mehnat qilmoqda.
Hashar uyushqoqlik bilan tashkil etilib, o‘quv xonalari va atroflar tartibga keltirilmoqda. Bu esa talabalar uchun yanada qulay va toza ta’lim muhitini ta’minlaydi.
Obod va fayzli maskanlar — mustaqil yurtimizning go‘zal ko‘rinishidir!
