2025-yil 3-sentabr kuni Toshkent davlat tibbiyot universiteti rektori, professor Shuxrat Boymuradov boshchiligida universitet talaba-yoshlari poytaxtimizdagi Qatagʻon qurbonlari xotirasi davlat muzeyi va “Shahidlar xotirasi” xiyoboniiga tashrif buyurdilar.
Tashrif davomida universitet vakillari va talaba-yoshlar yodgorlik majmui va muzeyda saqlanayotgan tarixiy eksponatlar bilan tanishdilar.
Muzeydagi eksponatlar yoshlarga o‘z xalqimizning o‘tmishini chuqurroq anglash, ajdodlarimizning bebaho merosini qadrlash hamda ularning xotirasini e’zozlashda muhim ahamiyat kasb etdi.
Mazkur tashrif yoshlar qalbida milliy qadriyatlarimizga hurmat va vatanparvarlik tuyg‘ularini yanada mustahkamlashga xizmat qildi.
