Mamlakatimiz mustaqilligining 34-yilligi va yangi 2025/2026-o‘quv yilining boshlanishi munosabati bilan Toshkent davlat tibbiyot universitetining barcha kampuslarida ma’naviy-ma’rifiy tadbirlar o‘tkazildi.
Universitetning barcha kampuslarida universitet rahbariyati, professor-o‘qituvchilari hamda talabalari ishtirokida “Vatan uchun, xalq uchun, millat uchun” shiori ostida “Mustaqillik darslari” tashkil etildi.
Ushbu darslar orqali talabalar mustaqillik tariximiz, Vatanimiz erkinligi yo‘lida fidoyilik ko‘rsatgan ajdodlarimizning mashaqqatli mehnati, bugungi taraqqiyotimizning asosiy omillari shuningdek, yurtimizda 34-yil davomida erishilgan yutuqlar hamda amalga oshirilayotgan islohotlar haqida kengroq ma’lumotga ega bo‘lishmoqda.
