2025-yil 6-oktabr kuni Toshkent davlat tibbiyot universitetiga Turkiyaning İnönü Universiteti rektori boshchiligidagi delegatsiya tashrif buyurdi.
Uchrashuvda hamkor universitet bazasida transplantologiya sohasida jarrohlar malakasini oshirish, professor-o‘qituvchilar va talabalar almashinuvi, birgalikda ilmiy tadqiqotlar olib borish masalalari muhokama qilindi.
Uchrashuv so‘ngida universitetlar o‘rtasida o‘zaro hamkorlik Memorandumi imzolandi.
Delegatsiya a’zolari Toshkent davlat tibbiyot universitetida yaratilgan sharoitlar, ilmiy-tadqiqot faoliyati va o‘quv dasturlariga yuqori baho berib, kelgusida o‘zaro hamkorlikni yanada rivojlantirishga tayyor ekanliklarini bildirdilar.
Ma’lumot uchun: İnönü Universiteti — Turkiyaning Malatiya shahrida joylashgan bo‘lib, 1975-yilda tashkil etilgan. Universitet tarkibida 14 ta fakultet, 6 ta ilmiy-tadqiqot instituti va bir nechta oliy maktablar faoliyat yuritadi. Asosiy yo‘nalishlari tibbiyot, muhandislik, iqtisodiyot, gumanitar fanlar va san’at sohalarini qamrab oladi. İnönü Universitet klinikalari – Yevropada transplantologiya sohasida yetakchilardan bo‘lib hisoblanadi. Hozirda universitetda 36 mingdan ortiq talabalar tahsil oladi, professor-o‘qituvchilar soni esa 1600 dan ortiq.
