Жорий йилнинг 20 сентябр куни Тошкент тиббиёт академияси профессор-ўқитувчилари ва талаба ёшлари ўртасида “Коррупция-миллий ҳавфсизликка таҳдид”, ”Ёт ғояларнинг ёшлар онги ва хаётига салбий таъсири” мавзусида маърифий учрашув ўтказилди. Учрашувга Олмазор тумани 2-сонли ички ишлар бошқармаси Ҳуқуқбузарликлар профилактикаси бўлими бошлиғи Х.А.Байманов, профилактика инспектори О.Ш.Хайдаров ва факултетларнинг Ёшлар билан ишлаш бўйича декан муовинлари иштирок этдилар. Тадбирни ташкил этишдан асосий мақсад ёшлар ўртасида учраб турадиган диний оқимларга берилиб кетишлик, турли гуруҳларга қарам бўлишлик қолаверса, ўқитувчи ва талабалар ўртасида учраб турадиган таъмагирлик холатларини олдини олишдир. Тадбирга таклиф этилган меҳмонлардан ташқари Ёшлар билан ишлаш, маънавият ва маърифат бўлими бошлиғи Д.Х.Худойқулов, Ёшлар билан ишлаш бўйича декан ўринбосарлари А.А.Раззоқов ва С.Ш.Рустамовалар сўзга чиқдилар ва Коррупция – бу жамиятни турли йўллар билан исканжага оладиган даҳшат эканлиги, унинг демократия ва ҳуқуқ устуворлиги асосларига путур етказиши, инсон ҳуқуқлари бузилишига олиб келиши, бозорлар фаолиятига тўсқинлик қилиши, ҳаёт сифатини ёмонлаштириши ва одамлар ҳавфсизлигига таҳдид соладиган уюшган жиноятчилик, терроризм ва бошқа ҳодисаларнинг илдиз отиб, гуллаши учун шароит яратиб бериши мумкинлиги каби масалаларга алоҳида тўҳталиб ўтдилар. Шунингдек, коррупция-докторлар, милиция ходимлари қўйингки барча соҳа вакиллари орасида тез-тез учраб турадиган иллат – прохўрлик эканлиги, бу иллатнинг бизнинг масканга қадам босишига асло йўл бермаслигимиз кераклиги тўғрисида фикрлашилди. Учрашув жуда мароқли ўтди. Талабалар ўзларини қизиқтирган саволларига жавоблар олдилар.
Ёшлар билан ишлаш, маънавият ва маърифат бўлими
