Toshkent tibbiyot akademiyasi Pedagogika, psixologiya va tillar kafedrasi professor-o‘qituvchilari hamda akademiya talabalari ishtirokida “Kelajaging uchun ovoz ber!”mavzusida davra suhbati o‘tkazildi.

Unda, talabalarga 2023-yil 10-mart kuni Oliy Majlis Qonunchilik palatasining navbatdagi majlisida ko’rilgan masalalar to‘grisida ma’lumot berildi va ularning ham bu boradagi fikrlari tinglandi. Yangi tahrirdagi Konstitutsiya O‘zbekiston jamiyatining evolyutsion rivojlanishidan kelib chiqayotgan hayotiy zarurat bo‘lib, bu ish mamlakat, millat va xalq sifatida keyingi qadamlarimizni aniqlab olishimiz uchun g‘oyat ahamiyatli masala, adolatli jamiyat qurish yo‘lidagi ulkan qadamdir.