Kuni kecha davlatimiz rahbari Shavkat Mirziyoyevning Ko‘ksaroy qarorgohida yoshlar bilan o‘tkazgan ochiq muloqotida ilgari surilgan ustuvor vazifalar ijrosini ta’minlash maqsadida Toshkent davlat tibbiyot universitetida yig‘ilish bo‘lib o‘tdi.
🔹Unda universitet rahbariyati, professor-o‘qituvchilar hamda yoshlar ishtirok etib, davlatimiz rahbari tomonidan belgilab berilgan vazifalar ijrosini samarali tashkil etish masalalari ko‘rib chiqildi. Xususan, yoshlarni xorijiy tillar va zamonaviy kasb-hunarlarga o‘rgatish, ularni sport va sog‘lom turmush tarziga keng jalb etish, ilmiy g‘oya va startap tashabbuslarini qo‘llab-quvvatlash, talabalarning bandligi va daromad manbalarini kengaytirish bo‘yicha aniq chora-tadbirlar belgilandi.
🔺Yig‘ilishda har bir fakultet va tarkibiy bo‘linma kesimida aniq “yo‘l xaritalari” ishlab chiqish, iqtidorli talabalarni qo‘llab-quvvatlash mexanizmlarini kuchaytirish hamda birorta talabaning muammosi e’tibordan chetda qolmasligini ta’minlash yuzasidan vazifalar belgilab olindi.
✈️Ta’kidlanganidek, Toshkent davlat tibbiyot universitetida yoshlar salohiyatini ro‘yobga chiqarish, ularning tashabbuslarini qo‘llab-quvvatlash va zamonaviy bilim hamda ko‘nikmalarni egallashi uchun zarur shart-sharoitlarni yaratish borasidagi ishlar izchil davom ettiriladi.
