2017йил 5 апрель куни ТТА II клиникаси Акушерлик ва Гинекология № 2 кафедрасида “ModeHEd проектини тузувчиларининг профессионал компетенциясини ривожлантириш” мавзусида ишчи йиғилиш семинари бўлиб ўтди. Семинарда Германия, Қозоғистон ва Республикамиз кўпгина Олий таълим муассасалари иштирок этишди. Семинарни илмий ишлар бўйича проректор Ш.А.Боймурадов ва Klaus Haenssen (Германия, Leipzig Университети) очиб бердилар. Семинарнинг А секциясида “Илғор педагогик технологиялар ҳаракатда” презентацияси билан доц. Каюмова Д.Т. ва асс. Садуллаева У.А. қатнашдилар. 7 курс талабалари билан “Акушерликда қон кетиш” да тезкор ёрдам кўрсатиш симуляцион ўйини ўтказилди. Қисқа танаффусдан сўнг семинар иштирокчилари амалий кўникмаларни ўзлаштириш хонасида акушерлик ва гинекологияда муляжлар ва фантомларни ўрни ниҳоятда муҳим эканлиги билан танишдилар. Семинарнинг В секциясида “Компетентликка эришиш – соғлиқни сақлаш тизимидаги фанларни ўқитишда асосий мақсаддир” маърузасини доц. Юлдашева Д.Ю., асс. Шодиева Х.Т. ўқиб эшиттирдилар. ТТА Анестезиология ва реаниматология кафедраси асс. Юсупова Н., Авезова С. “Тезкор ҳолатларда тез ёрдам кўрсатиш кўникмаларига ўргатиш” демонстрацион-тренировка-баҳолаш маърузасидан сўнг Европа ҳамкорликлари (Прага, Кошица – проф. Stanislav Stipek, Dr. Jaroslav Majernik) билан On-line конференция бўлиб ўтди. Семинарни Klaus Haenssen, Marina Ivanova (Германия, Leipzig Университети), Алишер Юнусов (ФДУ) якунлаб бердилар. Умуман олганда семинар меҳмонларда яхши таасурот қолдирди ва улар кейинчалик ҳам соғлиқни сақлаш тизимидаги фанларни ўқитишда ҳамкорлик муносабатларни олиб боришни таъкидлаб ўтдилар.
Фотолавҳалар:
