Ўзбекистон Республикаси барча тиббиёт олий таълим муассасаларининг “Даволаш иши” йўналиши 3-курс битирувчилари диққатига!

«Тиббиёт келажаги» инновацион таълим дастури ҳақида маълумот

Тошкент тиббиёт академияси Халқаро алоқалар бўлими томонидан И.М. Сеченов номидаги Москва давлат тиббиёт университети билан ҳамкорликда Тошкент тиббиёт академияси 5510100 – Даволаш иши йўналиши бўйича «Тиббиёт келажаги» инновацион таълим дастурига ҳужжатларни қабул қилиш бошланди.

Ушбу дастурнинг мақсади тиббий таълимнинг янги моделини яратиш, инновацион таълим технологияларини қўллаш, тиббиёт мутахассисларини тайёрлашда дунёдаги энг яхши амалиётларни умумлаштириш ва кенгайтиришдан иборат.

Инновацион таълим дастури давлат таълим стандартлари талабларига ва «даволаш иши» бакалавриат йўналиши бўйича асосида ишлаб чиқилган.

Инновацион таълим дастурини амалга ошириш шартлари қуйидагилардан иборат:

1. Таълим жараёнида инновацион таълим технологияларидан фойдаланиш ва (ёки) ўқувчиларнинг илмий-тадқиқот ишларини ва (ёки) амалиётга асосланган технологияларни жорий этиш;
2. Бошқа ташкилотлар билан, шу жумладан тармоқ шаклида ҳамкорлик дастурларида устувор иштирок этиш.
3. Ўқиш Академия профессор-ўқитувчилари томонидан рус тилида олиб борилади.

Инновацион ўқув дастурида ўқувчилар қуйидаги устувор ҳуқуқларга эга:

1. Ишлаб чикариш амалиёти ва (ёки) таълим дастури қисмини И.М.Сеченов номли Биринчи Москва давлат тиббиёт университети ва дунёнинг этакчи бошқа тиббиёт муассасаларида ўташ;
2. Ўзбекистон Республикаси Президентининг стипендияларини ва бошқа номинал стипендияларни тайинлашда, давлат стипендиялари размерини ошиши ва талабаларга моддий ёрдам кўрсатишнинг бошқа шакллари бўйича саволлар бериш;
3. Академиянинг ётоқхонасида жой тақдим этишда (резидент бўлмаганлар учун).

Ҳужжатлар онлайн равишда medofthefuture@gmail.com  электрон манзили орқали 2019 йил 15-июлдан 10-августгача қабул қилинади.

Талаб қилинадиган ҳужжатлар рўйхати:

1. Қабул қилиш учун ариза (форма бўйича)
2. Ўқиш жойидан ўқув таълими даврининг (зачётлар дафтарчаси) электрон нусхаси (PDF вариант).
3. Талабгорнинг таълим ва касбий фаолиятини акс эттирувчи ютуқларни тасдиқловчи ҳужжатлар – дипломлар, сертификатлар, гувоҳномалар, тадбирлар тури ва мақомини аниқлашга имкон берадиган бошқа ютуқлар тўғрисида ҳужжатли далиллар, улар ўтказилган вақт (муддати), нашр ёки тадбир турини ва мақомини аниқлашга имкон берадиган нашрларнинг нусхалари ва жамоат вакиллик органларининг бошқа ҳужжатлари, унинг ўтказилган санаси (даври), шунингдек талабнома берувчининг ўзи эришган илмий (илмий-методик, илмий-техник, илмий-ижодий) натижа (патент, гувоҳнома).

Даъвогарларни танлаш:

Ўқувчилар танловида иштирок этиш учун компютер синовлари шаклида тест топширадилар. Компютер тестларининг натижалари 100 баллик ўлчов бирлиги бўйича баҳоланади.

Аттестация комиссия раиси томонидан тасдиқланган жадвалга мувофиқ амалга оширилади ва Академиянинг расмий веб-сайтида 2019 йил 10-20 август кунлари эълон қилинади.

Аттестациянинг биринчи босқичида компютерда рус тили фани бўйича тест топширилади. Синов натижаларига кўра рус тили бўйича 71 ёки ундан юқори балл тўплаган номзодлар кейинги босқичда аттестациядан ўтишга муваффвақ бўладилар: компютерда фанлар бўйича тестдан ўтиш ва суҳбат.

Компютер тестлари рус тилида қуйидаги фанлардан ўтказилади: нормал анатомия, гистология, нормал физиология, патологик анатомия, патологик физиология, ички касалликлар пропедевтикаси, умумий хирургия, фармакология.

Компютер синовларини муваффақиятли якунлаганлигини тасдиқловчи баллар сони – 71 баллни ташкил этади.

Маълумот учун телефон: +998(90) 186-41-66

Translate: Рус