Тиббиёт ходимлари куни муносабати билан Мухтарам Президентимизнинг махсус Фармонига кўра бир гуруҳ соҳа вакилларига, хусусан, Тошкент тиббиёт академиясининг фидойи ходимлари ҳам давлатимизнинг юксак мукофотлари билан тақдирландилар.
Мамлакатимизда тиббиёт соҳасини ривожлантиришга, тиббиёт илм-фанини юксалтиришга қаратилган кўп йиллик фидокорона меҳнати учун тиббиёт фанлари доктори, профессор, ЎзРФА академиги Искандаров Тулкин Искандарович – «Фидокорона хизматлари учун» ордени, тиббиёт фанлари доктори, профессор Акбаров Миршавкат Миралимович – «Дўстлик» ордени каби давлат мукофотлари билан тақдирландилар.
