Toshkent tibbiyot akademiyasi Axborot resurs markazida O’zbekiston respublikasida xizmat ko‘rsatgan tibbiyot xodimi, mohir pedagog, exokardiografiya bo‘yicha yirik terapevt Abdug‘affor Gadayev bilan bo‘lajak shifokorlar uchrashuvi o‘tkazildi. Hamma yozgi ta’tilda dam olayotgan bir paytda bizning olimimiz bir haftalik tanaffus bilan cheklanadi. U beorom tunlari evaziga faqat yozadi, izlanadi, talabasiga tibbiyotning yangi sir asrorlari haqida yozdi. UASh tayyorlash sohasi asoschisi bugungi uchrashuvda minglab shogirdlarning kumiriga aylanib ulgurgan ustoz yoshlarni yana bir yangilikdan voqif etdi. Yaqinda uning Avstraliyalik dasturchi olimlar bilan hamkorlikdagi «Hammasi tibbiyot haqida» deb nomlangan maxsus loyihasiga start beriladi. Demak, barcha uchun qulay bo‘lgan davolash usullarini masofadan turib o‘rganish imkoniyati paydo bo‘lmoqda.
