Bugun Adiblar hiyobonida oʻzbek sheʼriyatining otashnafas shoiralaridan biri Zulfiya Isroilova tavalludining 107 yilligi munosabati bilan “Bu bogʻlar bir bogʻlar boʻladi hali” nomli tantanali tadbir oʻtkazildi. Toshkent tibbiyot akademiyasi tomonidan oʻtkazilgan tadbirda davlat va jamoat arboblari, ziyolilar, yozuvchilar, shoirlar, yosh ijodkorlar, keng jamoatchilik va shoiraning oila aʼzolari ishtirok etdilar. Zulfiya haykali poyiga gullar qoʻyildi, Akademiya tomonidan tashkil etilgan “Zulfiya” stipendiyasi gʻoliblari taqdirlandi. Toshkent tibbiyot akademiyasi talabalari tomonidan tayyorlangan bayram dasturi namoyish etildi.
