Navro‘z shukuhi hamon yurtimiz bo‘ylab kezib yuribdi. Kuni kecha Toshkent tibbiyot akademiyasi talabalarining “Talabalik bahori – 2022” festivali bo‘lib o‘tdi. Tadbirni akademiya rektori Alisher Kayumovich Shadmanov kirish so‘zi bilan ochdi. Navro‘z umumxalq bayramining o‘ziga xosligi, xalqimiz hayotida tutgan o‘rni haqida so‘z yuritib, tadbir ishtirokchilarini bayram bilan qutladi. Akademiyaning barcha fakultetning ijodkor talabalari 36 ta nominatsiya bo‘yicha bellashadi. “Talabalik bahori-2022” festivalida, Akademiya miqyosida o‘tkazilgan 11 ta yo‘nalishdagi tanlov g‘oliblari Akademiya rektori tomonidan diplom va pul mukofoti bilan taqdirlandi.
