Toshkent tibbiyot akademiyasi bir guruh professor-o‘qituvchilari hamda magistratura bosqichining Atrof muhit va inson salomatligi yo‘nalishi bitiruvchi talabalari ayni paytda Janubiy Koreyaning Seul shahridagi Koreya Universitetida rasmiy tashrifda bo‘lib turishibdi.
Tashrifdan ko‘zlangan maqsad Koreyaning zamonaviy taʼlim jarayonini o‘rganish, ilmiy-tadqiqotlarni olib borish uchun yaratilgan shart-sharoitlar bilan tanishish va kelajakdagi muhim hamkorlik ishlarini muhokama qilish bo‘lib, shu maqsadda tibbiyot akademiyasi jamoasi hamda Koreya Universiteti professor-o‘qituvchilari, mazkur oliy taʼlim muassasasining tibbiyot kolleji va klinikasi xodimlari bilan uchrashuvlar o‘tkazildi.
