2023-yil 22-fevral kuni Toshkent tibbiyot akademiyasi rektori A.Shadmanov hamda Fransiyaning Psixomator reabilizatsiya oliy instituti rahbari Ferar Erman o’rtasida uchrashuv bo’lib o’tdi.Tashrif doirasida, Аkademiya rektori A.Shadmanov xorijlik vakillarni Аkademiyaning bugungi kunda ta’lim tizimida amalga oshirilayotgan ishlari bilan yaqindan tanishtirdi.
Uchrashuvda, ikki mamlakat oliygohlari o‘rtasida ilm-fan, ta’lim sohalarida keng qamrovli hamkorlik aloqalarini o‘rnatish yuzasidan qator muzokaralar olib borildi.
Ma’lumot o’rnida aytish joizki, bugungi kunda ushbu institut ISRP Parij, Marsel va Vichida joylashgan bo’lib, dunyodagi eng katta PMT maktabi hisoblanadi. Mazkur institut 50 yildan ko’proq vaqt davomida faoliyat yuritib kelmoqda. Shu yil davomida 7000 dan ortiq psixomotor terapevt mutaxassislari tahsil olishgan.
Ta’kidlanishicha, institut 2014-yildan buyon ISRP Shanxayda doimiy ta’lim markazlarini ochgan hamda 2000 dan ortiq xitoylik sog’liqni saqlash mutaxassislariga PMT bo’yicha treninglar tashkil qilgan. ushbu markazlarda turli nufuzli tashkilotlar, jumladan, Xitoy nogironlar federatsiyasi, Xitoy reabilitatsiya tibbiyoti assotsiatsiyasi, Pekin universiteti 6-shifoxonasi, Shanxay ruhiy salomatlik markazi, Xalq ozodlik armiyasi umumiy kasalxonasi va Guanchjou shahri hukumati bilan bir qancha hamkorlik shartnomalari hamda loyihalarini imzolagan.
