Referendum — bevosita demokratiyaning muhim instituti boʻlib, umumdavlat hamda har bir fuqaro uchun muhim bo‘lgan qarorlarni qabul qilinishida jamiyatning qatnashishini taʼminlaydi. Referendumning o‘tkazilish jarayonining qoida va shartlari har bir davlatning konstitutsiyasi va qonunchiligi tomonidan belgilanadi. Referendum — xalq irodasining hayotiy ifodasidir. O‘zbekiston Respublikasi Konstitutsiyasini referendum o‘tkazish yo‘li bilan qabul qilinishi xalq irodasining bevosita ifodasidir. Referendumda qabul qilingan qarorlar oliy yuridik kuchga egadir. Konstitutsiyaviy Qonun loyihasining referendumga qo‘yilishini bevosita demokratiya, xalq hokimiyatchiligini amalga oshirishning konstitutsiyaviy-huquqiy shakli va ifodasidir.
