Toshkent tibbiyot akademiyasi Ijtimoiy fanlar kafedrasi va G’alaba bog’i yodgorlik majmuasi bilan hamkorlikda «O’zbekistonning ikkinchi jahon urushiga qo’shgan hissasi» mavzusida talabalar va professor o’qtuvchilar bilan davra suhbati bo’lib o’tdi. Davra suhbati ikki qismda tashkil etilib, TATU Gumanitar fanlar kafedrasi mudiri, dotsent Babadjanov X.B. tomonidan o’zbek askarlarining urushdagi jasoratlari va O’zbekistonning g’alaba uchun qo’shgan hissasi haqida ma’lumot berdi. «Shon-Sharaf» muzeyi katta ilmiy xodimi Yo’ldosheva Sh tomonidan G’alaba bog’i yodgorlik majmuasi va muzeyning tashkil qilinishi haqida ma’lumotlar berildi. Xalqimizning shonli o’tmishi va jasorati namunasi bo’lgan suhbat talaba yoshlarimizni vatanparvarlik, erkinlik tuyg’usi kuchayishiga xizmat qildi.
