Poytaxtimizdagi “Xalqlar doʻstligi” maydonida tashkil etilgan bayram dasturi oliy taʼlim muassasalari professor – o’qituvchilari va talaba-yoshlarini ishtirokida yuqori saviyada o’tkazildi.
Davlat ramzlari har bir xalqning mustaqilligi, tinchligi va barqarorligi timsoli boʻlib, el-yurtimizning gʻururi, iftixori boʻlgan bu ramzlarda tariximiz, boy maʼnaviy-madaniy merosimiz, milliy urf-odat va anʼanalarimiz oʻz ifodasini topgan.
Milliy ramzlarimiz — Vatanimiz suvereniteti, xalqimizning nafaqat azaliy umid va istaklari, balki porloq kelajagi timsollari boʻlgani tufayli ularni hurmat qilish, asrash barchamizning fuqarolik burchimizdir.
