Toshkent tibbiyot akademiyasining dilbar, iqtidorli-iste’dodli va zukko talaba-qizlari!
Sizlarni, Xotin-qizlar kengashi tomonidan o‘tkaziladigan an’anaviy «BALLI QIZLAR» ko‘rik tanloviga taklif etamiz! Jamiyatimizda qizlarning har sohada o‘z o‘rnini mustahkamlash va ularga imkoniyat berish bizning asosiy maqsadimizdir.
Ushbu ko‘rik tanlov 2 bosqichda o‘tkaziladi.
1-bosqich fakultet bosqichi bo‘lib, 5-mayga qadar fakultetlar kesimida tashkil qilinadi, eng yuqori natijani qo‘lgan kiritgan talaba qiz 2-bosqichga o‘tkaziladi.
2-bosqich Akademiya bosqichi bo‘lib, 6 ta fakultetning 6 nafar qizlari o‘zaro «AKADEMIYA MALIKASI» sovrini uchun bellashishadi. Ushbu bosqich 10-may kuni soat 16:00 da bo‘lib o‘tadi.
Ko‘rik-tanlov shartlari bilan tanishing:
1. Tanishtiruv sharti ( 5 daqiqa);
2. «Mening iste’dodim» sharti (erkin mavzu, 5 daqiqa);
3. Adiblarning hayot va ijodini targ‘ib etish sharti ( 3 daqiqa);
4. Milliy urf-odatlarimizdan,
«Alla aytish» sharti ( 5 daqiqa);
5. Pazandachilik – bahoriy salat tayyorlash sharti (10 daqida).
Ushbu tanlovda ishtirok etish istagi bo‘lgan talaba-qizlarimiz Yoshlar bilan ishlash bo‘yicha fakultet dekan o‘rinbosarlariga murojaat etishingiz mumkin.
G‘olib bo‘lgan bilimdon va zukko qizlarimiz TTA ning maxsus esdalik sovg‘alari hamda diplom bilan taqdirlanadilar.
