Davlatimiz tomonidan bugun tibbiyot sohasida ulkan islohotlar amalga oshirilmoqda. Bu islohotlar, eng avvalo tibbiyot tizimini yanada rivojlantirish, zamon talablari va jahon andozalariga mos bo‘lishini taʼminlashni maqsad qilgan.
Bugun, Toshkent shahrining muhtasham A.Navoiy nomli kino saroyida “1-OKTABR —O’QITUVCHI VA MURABBIYLAR KUNI” munosabati bilan Toshkent tibbiyot akademiyasining bir guruh professor-o’qituvchilari e’tirof etildi.
Tadbirda O‘zbekiston Respublikasi Sog‘liqni saqlash vazirligi Fan-ta’lim va innovatsiyalar boshqarmasi boshlig’i O’ktam Ismailov, Toshkent tibbiyot akademiyasi rektori v.v.b Shuhrat Boymuradov, professor-o‘qituvchilar hamda talabalar ishtirok etishdi. Shundan so’ng sana munosabati bilan O‘zbekiston Respublikasi Sog‘liqni saqlash vazirining bayram tabrigi o’qib eshittirildi.
Ko‘p yillar davomida TTAda samarali faoliyat olib borayotgan va uning rivojiga o‘z yutuqlari bilan xissa qo‘shayotgan professor-o‘qituvchilar e’tirof etilib Vazirlarning tegishli buyrug’i bilan professor-o‘qituvchilarning 4 nafariga “Sog‘liqni saqlash a’lochisi” ko‘krak nishoni, 7 nafariga “Oliy ta’lim a’lochisi” ko‘krak nishoni, 2 nafariga Sog‘liqni saqlash vaziri faxriy yorlig‘i topshirildi. Shuningdek, 72 nafar professor-o‘qituvchilar TTA rektorining tashakkurnomasi va pul mukofotlari bilan taqdirlandilar. Tadbir davomida musiqiy badiiy chiqishlar tashkil etilib taklif etilganlar e’tiboriga havola qilindi.
