Д И Қ Қ А Т Э Ъ Л О Н !!!
Ўзбекистон Республикаси Олий ва ўрта махсус таълим вазирлиги ва Ўзбекистон Республикаси истеъдодли ёшларни қўллаб-қувватлаш “Улуғбек” жамғармаси ҳамкорлигида профессор-ўқитувчилар, докторантлар ва иқтидорли талабалар ўртасида биринчи ва иккинчи Ренессанс даври ва ютуқлари, янги Ренессанс пойдеворини яратиш масалаларига боғлиқ илмий мақолалар танловини ўтказишни режалаштирган.
Энг яхши деб топилган мақолалар тўплам шаклида чоп этилади.
Шу муносабат билан Сиздан рўйҳатда келтирилган мавзулар бўйича талабгорлар томонидан тайёрланган мақолаларни қўрсатилган талаблар асосида расмийлаштирилиши ҳамда жорий йилнинг 15 март кунига қадар вазирликнинг Илмий тадқиқот ва инновацион фаолиятни ривожлантириш бошқармаси (nauka@edu.uz, телеграм: 977463721)га тақдим этилишини таъминлашингиз сўралади.
ТАНЛОВГА тақдим этиладиган мақолалар
ЙЎНАЛИШЛАРИ
- Биринчи ва Иккинчи Ренессанс даври ва ютуқлари.
- Учинчи Ренессанс ёшлар нигоҳида.
- Ўзбекистонда Учинчи Ренессансга пойдевор яратилиш ҳолати.
- Аждодлар меъроси бебаҳо хазина.
- Миллий қадриятларимиз-ўзлигимиз тимсоллари.
- Беш муҳим ташаббус – келажакка мустаҳкам пойдевор.
- Янги Ўзбекистон – янги имкониятлар юрти.
- Бетакрор ва ноёб илмий-маънавий меросимиз – куч-қудрат ва илҳом манбаи.
- Мамлакатимизни ривожлантиришнинг Ҳаракатлар стратегияси: натижалар ва истиқбол.
- Фан ва таълимда амалга оширилаётган ислоҳотлар: яратилган шароитлар, натижалар, муаммолар, ечимлар.
- Мавзуга оид илмий-тадқиқот ишлари натижалари.
ТАНЛОВГА ТАҚДИМ ЭТИЛАДИГАН МАҚОЛАЛАРГА ҚЎЙИЛАДИГАН ТАЛАБЛАР
Мақолалар «Microsoft Word» матн муҳарририда ёзилиши, .doc ёки .docx форматида, ўзбек, рус ва инглиз тилларида қабул қилинади.
Мақола матни «Times New Roman» шрифтида (кегель 12), сатрлар оралиғи 1 пт, юқоридан, пастдан, ўнгдан ва чапдан 2 см хошия қолдирилади, янги сатрда хатбоши (абзац) 1 см, матн саҳифа кенглиги бўйича текисланган шаклда, хажми 6-10 бетдан ошмаслиги талаб этилади.
Формулалар «Microsoft Equation» таҳрирловчиси ёрдамида ёзилиши, матнга график, диаграмма ва расмлар оқ-қора рангда, .jpeg форматида киритилиши (расмдаги матнлар «Microsoft Word» матн мухарририда, 12 кегль ўлчамда ёзилиши), матнда расм ва жадваллар кетма-кетлик тартибида рақамланиши, номланиши ва матнда илова келтирилиши зарур.
Мақолага соҳа бўйича УЎК (универсал ўнлик классификация) рақами қўйилади (Классификатор УДК // [Электронный материал]. Режим доступа: https://teacode.com/online/udc/).
ЭСЛАТМА
Танловга тақдим этиладиган илмий-оммабоп ҳамда илмий мақолалар ёш олимлар ва талабаларнинг илмий фаолиятида Учинчи Ренессанс ғоясининг туб мазмун-мохияти, ахамиятини тарғиб килишга оид долзарб мавзуларда, илмий таҳлил ва тугалланган фикрлар асосида, тегишли таклиф ва тавсиялар билан тақдим этилиши лозим.
Танлов иккита номинация бўйича ўтказилади:
биринчи номинация – бакалариат ва магистратура талаблари;
иккинчи номинация – докторантлар/тадқиқотчилар ва 40 ёшгача илмий ҳодимлар.
Белгиланган талабларга мувофиқ; расмийлаштирилган ва қабул қилинган материаллар тўплам шаклида нашр этилиши белгиланган бўлиб, мазкур тўпламга киритилган илмий мақолалар Ўзбекистан Республикаси Вазирлар Маҳкамаси ҳузуридаги Олий аттестация комиссиясининг диссертациялар натижаларини нашр этишга тавсия этилган илмий журналларда нашр этилган мақолаларга тенглаштирилади.
Шу муносабат билан тақдим этилаётган илмий мақолада келтирилган натижаларнинг 60-70% қисми асосий муаллифга тегишли бўлиши мақсадга мувофиқ;
Қабул қилинган илмий материаллар кўчирмачиликка (плагиат) қарши қатъий текширилиши, соҳа бўйича етакчи мутахассислар томонидан экспертизадан ўтказилиши маълум килинади.
Мақолалари 2021 йил 15 март кунига қадар Олий ва ўрта махсус таълим вазирлигининг Илмий тадқиқот ва инновацион фаолиятни ривожлантириш бошқармаси томонидан (E-mail: nauka@edu.uz; телеграм: +99897 7463721) Қабул қилинади.
Белгиланган талабларга мувофиқ расмийлаштирилмаган ва мазмуни талабга жавоб бермаган материаллар танловга қабул қилинмайди, танловга тақдим этилган материаллар муаллифга қайтарилмайди.
Танловга тақдим этилган материаллар муаллифларга қайтарилмайди.
Танлов ғолибларига диплом ва эсдалик совғалари берилади.
Тайлов натижалари ва ғолиблари тўғрисидаги маълумотлар оммавий ахборот воситаларида кенг ёритилади.
Танлов иштирокчилари томонидан берилган норозилик аризалари бир кун муддатда шикоятчи иштирокида ишчи гуруҳ аъзолари томонидан кўриб чиқилади ҳамда хулосалар ёзма тарзда расмийлаштирилади.
Мурожаат учун тел.: (71)2460187
Ёшлар билан ишлаш, маънавият ва маърифат бўлими
