Toshkent tibbiyot akademiyasiga UNESCO tashkiloti vakillari tashrif buyurdi, ikki tomonlama hamkorliklarga kelishib olindi, jumladan, Sharq va G’arb tibbiyotining bir-biriga bog’liqligi, merosi, keng tarixi o’rganishga doir loyiha muhokamaga sabab bo’ldi, loyiha Toshkent tibbiyot akademiyasining professor-o’qituvchilari ishtirokida amalga oshirilishi ma’qullandi.
Ma’lumki, Sharq tibbiyoti boy tarixga ega. Dastlabki tibbiyotga tegishli ma’lumotlar ibtidoiy davrga taalluqli bo’lib, tosh davridayoq turli jarohatlarni muvaffaqiyatli davolash, qon ketishini to’xtatish, yaralarni bog’lash va kesish kabi muolajalari muvaffaqiyatli amalga oshirilgan.
